Шаноўныя ўдзельнікі конкурсу “Калі нараджалася класіка: Вінцэнт Дунін-Марцінкевіч – пачынальнік беларускага тэатра”!
Звяртаем вашу ўвагу, што 1-ы тур конкурсу працягнуты да 11 сакавіка. Каманды, якія ўжо даслалі адказы, могуць прыступаць да выканання задання 2-га тура.

Заданне 2-га тура
З мэтай папулярызацыі творчасці класіка беларускай літаратуры Вінцэнта Дуніна-Марцінкевіча ўдзельнікі распрацоўваюць маршрут міні-экскурсіі па мясцінах, звязаных з жыццём і дзейнасцю В. Дуніна-Марцінкевіча.
Аб’ём работы – 3-5 старонак друкаванага тэкста на аркушы А4.
Па жаданню каманда можа выкарыстаць у рабоце фатаграфіі.

Маршрут дасылаецца на адрас эл.пошты nasha.klasika@gmail.comальбо падаецца ў сектар развіцця пазнавальных ініцыятыў аддзела інтэлектуальнай творчасці МДПДіМ (Мінск, вул.Старавіленскі тракт, 41, пакой 308) на любым носбіце да 25 сакавіка 2008 г.
У 2 тур конкурсу запрашаюцца ўсе ўдзельнікі 1-га тура.

КРЫТЭРЫІ АЦЭНКІ.
У 2-м туры конкурсу ацэньваюцца даследчыцкія і творчыя здольнасці навучэнцаў:
- адпаведнасць тэме конкурсу;
- факталагічная правільнасць;
- арыгінальнасць у выкладанні матэрыялу;
- глыбіня валодання тэмай;
- уменне працаваць з крыніцамі;
- валоданне літаратурнай мовай;
- адсутнасць граматычных і сінтаксічных памыла;
- эстэтычнасць афармлення работы.

ПРАВІЛЫ АФАРМЛЕННЯ МАРШРУТА.
Маршрут міні-экскурсіі павінен быць набраны ў праграме Word, шрыфтам Times New Roman памерам 14 пунктаў, мець тытульны ліст, спіс літаратуры альбо Інтэрнэт рэсурсаў.